makesupipe的部落格

追女仔：）
其實自己都比人追過或者追過人，但都係拍唔到拖........自問自己同女仔溝通都ok，如果面對面或者傾電話都會有話題，可以搞下gag咁，但係一到whatsaap啊就好似唔知點溝通，又驚chur親人，所以就算鍾意人都係唔太知點text。有時唔係成日見到鍾意嘅人，就唔知點算好，唔知大家會唔會有意見比到我呢？????
香港,大學,港澳版,感情,
其實會唔會係你諗多左？一切都係從朋友開始得失心無咁重你自然會知道同對方whatsapp應該保持一個點既距離Btw你話比人追過係你對對方無感覺？？|||B1都啱啊，所以我宜家對住鍾意嘅人都會盡量保持距離，唔想煩到人地，但又唔知點樣拉近距離.....最近比個師姐追，但係真心冇feel之後就丟淡左件事......|||B2唔想煩到人又想追人係咪叫佛系追女仔法？lol我反而鍾意男仔多d企圖心|||一開始先以朋友的姿態去相處是最好的，因為對朋友時可以比較自在，你可以自然地表現出你的特質，接下來就是再慢慢培養感情了。如果抱持著「好喜歡對方，好擔心對方會不會覺得自己怎樣很奇怪？？？」的想法的話，你反而更容易表現出奇怪、不自然的一面，而那一面通常來說不吸引人。|||同個女仔唔同科？|||最普通就系做朋友->好朋友->情侶可能一開始一日幾個message，佢應你唔好秒回，等反半個鐘先，冇甘大壓力如果佢回應熱烈就可以慢慢send多d傾關於d日常野，例如天氣，喜好，興趣，學校新聞，髮型develop佢講緊嘅野（例如佢講甜品，你可以develop去餐廳然後廚師地區生果）圍繞佢嘅生活黎傾計會減少hea覆嘅機會，同埋佢會冇甘大壓力先增加信任，共鳴，好感（galgame)之後就約出離食下飯，可以試下lunch先其實約到單獨出黎幾次就好大機會對方都有好感XD但係如果對方message冷淡，約唔到出黎你都知咩事加油，上網睇多d聊天攻略其實你點樣同佢面對面傾計，就點樣message就得架啦最緊要系舒服，輕鬆嘅感覺|||真係想text多啲，可以share佢提起過嘅野嘅link（eg佢話想去cafe，你見到有間好嘅），或者影你日常生活嘅野俾佢，like你同fd去左邊度玩，然後自然咁接落去。不過Text唔係重點。如果我叫你講下同bestfd嘅難忘回憶，你一定會諗你地面對面相處發生嘅事，唔會諗你地text過咩。所以重點係你約佢出黎嗰時俾佢嘅感覺，所以你同佢平日相處ok就得啦！我鍾意男仔無企圖心地熱烈追。言語上猴急，諗盡方法約見面，flirt，但唔會為我實際付出（eg用心了解我、同我傾心事、間中請食飯、聽講我遇到困難會幫助我）會令我感覺好唔掂，因為佢係單方面滿足自己欲望，而無表達對於我嘅愛護。點先為之啱啱好嘅追呢？女仔對男仔有把尺，可能係身高，可能係學歷，可能係樣貌。我建議你首先對佢溫柔，為佢付出，表達喜歡（唔係表白，而係讚美佢嘅優點，話佢好得你鍾意），但唔好太急切，唔好表現到「非你不可」，而係比朋友多少少嘅程度。令佢注意到你，令佢產生想法。相處嘅時候，講野有趣啲，表現自信啲positive啲，令佢覺得同你生活唔會悶，又可靠。（呢點好難，我同男仔好難有計傾。幾多人approach我，但我同佢地無話題，我鍾意嘅野幾冷門，對其他野唔係好留意。但有啲男仔好好，會分享籃球、時事、佢地嗰行嘅工作俾我聽。）試下維持一到三個月，如果你過左佢把尺，佢應該會接受，回應或回報你。如果唔接受，無尊重你嘅付出，就考慮下要唔要止蝕，可能你未meet到佢要求。唔係你唔夠好，而係佢鍾意另一type。5A3167390F154EBE